蘋果【李八方online】譚香文byebye人力前綫 夥譚文豪做地區工作

黃大仙區議員譚香文有份創立公民黨,退黨後入咗人力同前綫,八方收到風,近日佢有新動向,4月退出人力,之後離開前綫,譚香文向八方證實消息,話自己依家係無黨無派獨立人士,至於退出兩個政團原因,佢好乾脆咁話:「路線唔同!詳細嘅嘢,我唔講嘞。」

 

政圈傳聞,譚香文退出人力、前綫,或重投公民黨,佢強調絕對唔會再入黨,不過承認有同公民黨譚文豪合作做地區工作,「佢係有能力、有質素嘅人,做地區工作亦好勤力。」譚文豪好大機會出選九龍東,譚香文話樂於見到梁家傑有接班人,不過佢自己就無意出選,「今屆選舉好混亂,泛民選情危危乎。」1463140166_9dfc

回應

個回應

追蹤我們